«پورتسمۋت ۋنيۆەرسيتەتىنىڭ ( ۇلىبريتانيا) ماماندارى ازاماتتاردى ءبىر رەتتىك ماسكالاردان باس تارتۋعا شاقىردى. مامانداردىڭ ايتۋىنشا ماسكالار دەنساۋلىققا جانە قورشاعان ورتاعا قاۋىپتى بولۋى مۇمكىن», دەپ جازادى Egemen.kz The Conversation پورتالىنا سىلتەمە جاساپ.
عالىمدار پاندەميا كەزىندە قورعانىس قۇرالدارىنا سۇرانىس ارتىپ وتىرعانىن اتاپ ءوتتى. ەلدەر وقشاۋلانۋدان شىعىپ, شەكتەۋلەردى الىپ تاستاسا دا, ادامدارعا اي سايىن ميللياردتاعان ماسكالار قاجەت بولادى. ساراپشىلاردىڭ پىكىرىنشە, ءبىر رەت قولدانىلاتىن ماسكالار قورشاعان ورتاعا ونداعان نەمەسە جۇزدەگەن جىلدار بويىنا ساقتالاتىن پلاستيكالىق ماتەريالداردان جاسالعان.
مالىمدەمەدە ورتا مەرزىمدى جانە ۇزاق مەرزىمدى بولاشاقتا پلاستيكالىق قالدىقتاردىڭ قورشاعان ورتاعا جانە ونىڭ تۇرعىندارىنا زيانىن تيگىزەتىنى ايتىلعان.
اتاپ ايتقاندا, كەيبىر جانۋارلار قاتەلەسىپ پلاستيكالىق ماسكا فراگمەنتتەرىن جەۋى مۇمكىن. سونىمەن قاتار, پلاستماسسا ۋاقىت وتە كەلە ازىق-ت ۇلىك تىزبەگىندە جينالىپ تۇراتىن كىشكەنتاي فراكتسيالارعا ىدىراي الادى.
عالىمدار ماسكالاردىڭ دۇرىس پايدالانىلماۋى ادامعا جاناما عانا ەمەس, سونىمەن قاتار تىكەلەي زيان تيگىزۋى مۇمكىن ەكەنىن اتاپ ءوتتى. جويىلعان ماسكالار قوقىس جيناۋشىلار اراسىندا كوروناۆيرۋستىق ينفەكتسيانىڭ ورشۋىنە سەبەپ بولۋى مۇمكىن, ويتكەنى بەلگىلى ءبىر جاعدايلاردا ۆيرۋس جەتى كۇنگە دەيىن قورعانىس كەرەك-جاراعىندا قالادى. اپاتتىڭ الدىن الۋ ءۇشىن عالىمدار بىرنەشە رەت پايدالانىلاتىن ماسكالاردان باس تارتۋعا كەڭەس بەردى. سونداي-اق, ەسەپتە قايتا پايدالانۋعا بولاتىن اكسەسسۋارلاردا ۇزاق ۋاقىت بويى قولدانۋعا بولاتىن سۇزگىلەر بولۋى كەرەك دەلىنگەن. قورعانىس ماسكالارىن نۇسقاۋلارعا سايكەس ساقتاپ, جۋعان ءجون.